{"id":24566,"date":"2023-04-28T11:24:42","date_gmt":"2023-04-28T09:24:42","guid":{"rendered":"https:\/\/prometheus.museum\/la-pobla-de-segur\/"},"modified":"2023-04-28T11:24:42","modified_gmt":"2023-04-28T09:24:42","slug":"la-pobla-de-segur","status":"publish","type":"post","link":"https:\/\/prometheus.museum\/oc\/la-pobla-de-segur\/","title":{"rendered":"La Pobla de Segur"},"content":{"rendered":"

Per tant que sian en Pallars Juss\u00e0, eras halhas de La Pobla de Segur que segueishen pr’aqu\u00f2 eth mod\u00e8le dera halha dita ribagor\u00e7ana, era m\u00e8s utilizada ena major part deths vilatges dera Ribag\u00f2r\u00e7a catalana e aragonesa. M\u00e8s era halha de La Pobla qu’ei m\u00e8s longa pr’amor eras halhas que i son baishadas sense h\u00e8r ua corsa. Era baishada deras halhas qu’arrepuja aras annadas cinquanta, imaginada dab era ajuda deth Esbart Dan\u00e7aire de La Pobla ent\u00e0 prom\u00f2ver era vila.<\/p>\n

Eth 17 de junh, eth dia dera patrona de La Pobla (era Vi\u00e8rges dera Rib\u00e8ra) a cinc oras dera vrespada eths halhaires que desfilan dab eras suas halhas per tot eth vilatge. Que visitan prum\u00e8r eras arresid\u00e9ncias e eras maisons de retr\u00e8ta de La Pobla de Segur e apr\u00e8s, que passan peras carr\u00e8ras principalas dinc a arribar ath p\u00e8 dera montanha de Santa Madalena. Aquiu eths halhaires qu’atacan era pujada cap a d’aquera montanha de tres cents mestres de desniv\u00e8u e de 810 m de haut. Aquiu haut, que dem\u00f2ran eth cocar deth solelh ent\u00e0 ahlamar eras halhas e baishar dinc ath p\u00e8 dera montanha, on eras eret\u00e8ras les demorar\u00e0n. D\u2019aqueth temps, en vilatge, eth desfilat deras eret\u00e8ras que comen\u00e7a deth madeish endret qu’eth desfilat deths halhaires m\u00e8s que son acompanhadas peths gigants e peths capgr\u00f2ssis e era gent deth vilatge, dab eth vestit tradicionau d’eret\u00e8ra, dinc ath p\u00e8 de Santa Madalena, on demorar\u00e0n eths halhaires.<\/p>\n

D’aquiu-del\u00e0, que comen\u00e7a eth desfilat principau, dab eths halhaires, dab eras halhas ahlamadas, que s’ajustan aras eret\u00e8ras, en fila de dus parelhs acompanhadis pera cobla<\/em> [grop de musica tradicionala], pera mainada e peth public. Un c\u00f2p arribadis ena pla\u00e7a, eths halhaires que lan\u00e7an era halha en un huec atuperad\u00eds e popular e que tornan dab era sua parelha, amassa dab eths autis deths coples e era gent deth vilatge\u00a0 que s’i v\u00f2u ah\u00edger, que dan\u00e7an era sardana dera Pobla de Segur.<\/p>\n

Qu’ei tanben plan tipic que, just abans de dan\u00e7ar era sardana, eth cople a punt de marid\u00e0’s que i p\u00f2rte un drap\u00e8u, en tot arrecitar un verset popular dera Vi\u00e8rges dera Rib\u00e8ra. Demp\u00fas 2018, que s\u2019an eliminat eths arr\u00f2tles de genre dera h\u00e8sta e d’ara-enl\u00e0 autant eths \u00f2mes coma eras hemnas p\u00f2den \u00e8ster halhaire\/halhaira o eret\u00e8r(a).<\/p>\n

Organizator <\/strong> : Associaci\u00f3 Cultural de Fallaires i Pubilles de la Pobla
\nEnt\u00e0’n saber m\u00e8s <\/strong> : https:\/\/www.lapobladesegur.cat\/ca\/festa_fira\/falles\/<\/a>
\nCorr\u00e8u <\/strong> : fallaires.pobla@gE-mail.com
\nTel<\/strong>. Comuna : 973680038<\/p>\n

Ent\u00e0’n saber m\u00e8s :<\/strong>
\nRiart, O. i Jord\u00e0 S. (2012). \u201cCatalogaci\u00f3 de les falles al Pirineu. Descripci\u00f3 dels processos i elements fallaires\u201d, Revista d\u2019Etnologia de Catalogne, n\u00ba38, 162-173.<\/p>\n

Fotos e Videos <\/strong><\/p>\n

Baishada simbolica de halhas dera Pobla de Segur 2021
\nhttps:\/\/www.youtube.com\/watch?v=8TDf_4JrPp0&ab_channel=PallarsDigital <\/a><\/p>\n

Pallars TV. halhas La Pobla 2015
\nhttps:\/\/www.youtube.com\/watch?v=J3oZWbydV6s <\/a><\/p>\n

Baishada de halhas La Pobla 2016
\nhttps:\/\/www.youtube.com\/watch?v=Dj2KZXiSCjE <\/a><\/p>\n

\"La
\nPassa-carr\u00e8ra deths halhaires, 2018. La Pobla de Segur. Fotografia : Mbeckmac. Creative Commons Attribution-Share Alike 4.0 International license. Commons)<\/p>\n

\"La
\nPassa-carr\u00e8ra deras eret\u00e8ras, 2016 La Pobla de Segur. Fotografia : Mbeckmac. Creative Commons Attribution-Share Alike 4.0 International license. Commons)<\/p>\n","protected":false},"excerpt":{"rendered":"

Per tant que sian en Pallars Juss\u00e0, eras halhas de La Pobla de Segur que segueishen pr’aqu\u00f2 eth mod\u00e8le dera halha dita ribagor\u00e7ana, era m\u00e8s utilizada ena major part deths vilatges dera Ribag\u00f2r\u00e7a catalana e aragonesa. M\u00e8s era halha de La Pobla qu’ei m\u00e8s longa pr’amor eras halhas que i son baishadas sense h\u00e8r ua […]<\/p>\n","protected":false},"author":1,"featured_media":0,"comment_status":"open","ping_status":"open","sticky":false,"template":"","format":"standard","meta":{"_monsterinsights_skip_tracking":false,"_monsterinsights_sitenote_active":false,"_monsterinsights_sitenote_note":"","_monsterinsights_sitenote_category":0,"_uf_show_specific_survey":0,"_uf_disable_surveys":false,"footnotes":""},"categories":[177],"tags":[],"class_list":["post-24566","post","type-post","status-publish","format-standard","hentry","category-espanha"],"_links":{"self":[{"href":"https:\/\/prometheus.museum\/oc\/wp-json\/wp\/v2\/posts\/24566","targetHints":{"allow":["GET"]}}],"collection":[{"href":"https:\/\/prometheus.museum\/oc\/wp-json\/wp\/v2\/posts"}],"about":[{"href":"https:\/\/prometheus.museum\/oc\/wp-json\/wp\/v2\/types\/post"}],"author":[{"embeddable":true,"href":"https:\/\/prometheus.museum\/oc\/wp-json\/wp\/v2\/users\/1"}],"replies":[{"embeddable":true,"href":"https:\/\/prometheus.museum\/oc\/wp-json\/wp\/v2\/comments?post=24566"}],"version-history":[{"count":0,"href":"https:\/\/prometheus.museum\/oc\/wp-json\/wp\/v2\/posts\/24566\/revisions"}],"wp:attachment":[{"href":"https:\/\/prometheus.museum\/oc\/wp-json\/wp\/v2\/media?parent=24566"}],"wp:term":[{"taxonomy":"category","embeddable":true,"href":"https:\/\/prometheus.museum\/oc\/wp-json\/wp\/v2\/categories?post=24566"},{"taxonomy":"post_tag","embeddable":true,"href":"https:\/\/prometheus.museum\/oc\/wp-json\/wp\/v2\/tags?post=24566"}],"curies":[{"name":"wp","href":"https:\/\/api.w.org\/{rel}","templated":true}]}}