Barruera

Era hèsta qu’entrèc en ua cèrta decadéncia enas annadas seishanta, e’s mantenguec pas que ua celebracion destinada ara mainada, mès que s’a reviscolat a partir deras annadas quate-vints, dab era reneishença dera baishada de halhas deths adults. Eras halhas que son de dus tipes : era halha ribagorçana (era mès utilizada, hèta a partir de quate asclas de teda clavadas en ua barra d’averèr e renforçadas dab hiu de hèr, d’entre 1,7 e 2 m de long) e era halha de Barruera (que demanda mès temps de preparacion e qu’ei utilitzada sustot peths mès joenis).

Aquera halha que’s prepara  tres o quate setmanas abans era hèsta.  Eth dia deras halhas, eths portaires de halhas que pujan ath faro/lenhèr (eths adults a l’Obac Xic), mentre que peth vilatge, i a  d’autes faros/lenhèrs. Eths halhaires que pujan ath faro/lenhèr, que s’empòrtan eth sopar, que’s partatjan enter eris quauques produïts e quan hè plan escur, qu’alugan eras halhas dab diferentis huecs a partir dethsquaus alugan eras suas tòrshas.

Abans, eths petits que començan a desfilar peth vilatge dab eras suas halhas, en tot córrer peth carrèr Major, aplaudits peth public present. De cap a onze oras dera net, tres fusadas que son lançadas, qu’ei eth senhau que comença era baishada. Eras halhas que’s pòrtan cap ath vilatge, en tot formar ua longa fila de huec visibla dempús eth vilatge, dinc a arribar ara plaça, on eth monde  las arrecep dab jòia e musica.

Eth percors, que da mès d’un torn peth vilatge, dab ua fòrta intensitat e emocion, que s’acaba quan eras halhas son lançadas en un huec e après, era hèsta que contunha dab danças e bals devath eth capitèth, dinc ara maitiada

Entà’n saber mès : https://www.vallboi.cat/ca/falles
Instagram : https://www.instagram.com/valldeboi/
Twitter : https://twitter.com/ValldeBoi
Facebook : https://www.facebook.com/ValldeBoi
Tel. comuna : +34 973 69 40 00

Entà’n saber mès :
Riart, O. et Jordà, S. (2012). “Catalogació de les falles al Pirineu. Descripció dels processos i elements fallaires”, Revista d’Etnologia de Catalogne , nº38, 162-173.
Riart, O. et Jordà, S. (2016). Les falles del Pirineu. L’Alta Ribagorça i el Pallars Sobirà. Lérida : éditions Pagès.
Ricart, S. et Farré, X. (2012). Foc al faro, la festa de les falles al Pirineu. Taüll : AlpinArt.

Fotos e videos

halhas de Barruera, 2015
https://www.youtube.com/watch?v=yNr8lZ8amCo

Documentacion
https://www.youtube.com/watch?v=GopGrlDalNE

halhas de Barruera. Cadièra de Patrimòni Immateriau

Aficha deras halhas de Barruera