Occitan
Català
Français
Español
English
Ara, eras escòlas deth territòri halhaire qu’an un materiau pedagogic entà ajudar-las a trabalhar sus eras hèstas deth huec. Eras classas situadas en eths Pirenèus que’s pòden servir dera maleta deth halhaire. Que permet de conéguer eras falles, halhas, hars o halhars de totis eths territòris, en tot trabalhar diferentis domenis de coneishença.
Era Maleta deth Halhaire
Era Maleta deth Halhaire qu’ei un ensemble de siés activitats que facilitan era descobèrta deras hèstas deth huec deths solsticis en eths Pirenèus. Aqueras activitats que’s presentan devath era fòrma d’un jòc e eras halhas miniaturas que pòden èster manejadas. Qu’entran en diferentis aspèctes dera tradicion : natura, desvelopament duradís, lengas, territòris, istòria, musica e dança.
Eths professors que la pòden utilizar coma un projècte de classa o ua tematica interessanta ath torn deras hèstas deth huec. Que i a ua maleta en cada centre de documentacion pedagogica deth territòri halhaire mès que podetz descobrir eras fichas de cada activitat peth siti internet :
Comunautat d’aprentissatge virtuau
En complement dera Maleta deth Halhaire, ua platafòrma en linha qu’ei botada a disposicion de totis eths actors dera comunautat educativa interessadis peras hèstas deth huec e era educacion ath patrimòni. Que s’apèra « Debat a Bat » e que propòsa ressorgas, bonas practicas, actualitats e, coma eth sòn nom ac ditz, un espaci de debat. Que vos encoratjam a descobrir-la : www.debatabat.eu
