Boí

Era hèsta que comença quauques dias abans, dab era elaboracion deras halhas. Ena Vall de Boí, era halha qu’ei un tronc resinós o ua teda alugada (coma ua tòrsha) que hè dinc a 2 mestres de long. Aquera halha que’s hè abans era hèsta, dab lenha de pin, estacada sus ua barra de herèishe o d’averèr, dab hiu de hèr e puntas, entà crear coma ua tòrsha.

Eth dia deras halhas, era net de Sent Joan, eths portaires de halhas que pujan ath faro/lenhèr (ath Clot d’Escuder, 1.460 m.), un endret ensús deth vilatge on s’a quilhat un pin e d’autis arbes entà  aver un huec. Eths halhaires, après aver sopat ath torn deth faro/lenhèr, quan hè plan escur, qu’alhaman eras halhas dab ua halheta, e eth faro/lenhèr qu’ei alugat quan an començat a desfilar eths halhaires. Eras halhas que son portadas cap ath vilatge, en tot formar ua longa fila de huec visibla dempús eth vilatge, dinc a arribar ena plaça, on eth monde les arrecep dab jòia e musica. Qu’entran prumèr eths halhaires petitis, qu’an un percors mès cort.

Eths halhaires que hèn duas passadas ath torn deth vilatge e era tradicion qu’èra qu’eth darrèr maridat entrava eth prumèr en vilatge. Aqueth percors peth vilatge, dab ua fòrta intensitat e emocion, que s’acaba quan eras halhas son lançadas en un camp, ara sortida deth vilatge e après, era hèsta que contunha, dab danças e bals devath eth capitèth, dinc ara maitiada.

Entà’n saber mès : https://www.vallboi.cat/ca/falles
Instagram : https://www.instagram.com/valldeboi/
Twitter : https://twitter.com/ValldeBoi
Facebook : https://www.facebook.com/ValldeBoi
Tel. comuna : +34 973 69 40 00

Entà’n saber mès :
Riart, O. et Jordà S. (2012). “Catalogació de les falles al Pirineu. Descripció dels processos i elements fallaires”, Revista d’Etnologia de Catalogne , nº38, 162-173.
Riart, O. et Jordà, S. (2016). Les falles del Pirineu. L’Alta Ribagorça i el Pallars Sobirà. Lérida : éditions Pagès.
Ricart, S. et Farré, X. (2012). Foc al faro, la festa de les falles al Pirineu. Taüll : AlpinArt.

Fotos et videos

Fotografias e liaders cap aras videos. Halhas de Boí. Era Hèsta deth Huec – Vall de Boí
https://www.youtube.com/watch?v=3dodU2Ufw4A

Documentacion
https://www.youtube.com/watch?v=GopGrlDalNE

Halhes.. Boí, 2019. Fotografia : Òscar Rodbag (Patronat de la Vall de Boí)

En tot baishar eras halhas, cap ath vilatge. Boí, 2019. Fotografa : Òscar Rodbag (Patronat de la Vall de Boí)

En tot baishar eras halhas, cap ath vilatge. Boí, 2019. Fotografa : Òscar Rodbag (Patronat de la Vall de Boí)