Durro

Duas a tres setmanas abans era hèsta de Sant Quirc, eths abitants de Durro, e sustot eths joenis, que començan d’anar cercar era lenha entà preparà’s eras halhas e quilhar eth faro/lenhèr, de cap ath Pinar Gran. Eths pins e eras brancas dretas d’averèr que son eths materiaus que cau entà poder-las hèr. Era sua preparacion que’s hè en capitèth installat ara entrada del vilatge, on se hè eth bal dera hèsta locala.

Era halha ribagorçana caracteristica que’s hè a partir de quate asclas de teda clavadas en ua branca dreta d’averèr o de herèishe, estacadas dab hiu de hèr. De cap a dètz oras de nets, eths halhaires eths mès petits que començan d’alugar eras suas halhas ajudats peras mairs e peths pairs, e qu’entran pera plaça, seguits peths mainatges mès grans.

A onze oras, eths halhaires adultes qu’alhaman eras suas halhas en dus o tres huecs repartits en plan deth ermitatge de Sant Quirc de Durro (1.493 m.). En arribar ath vilatge, eths halhaires que’s botan a córrer en arribar cap ath centre dera vièla, e qu’acaban en tot lançar eras halhas per tèrra, entà formar un huec gran. Era hèsta que s’acaba per un bal de nets, quasiment dinc a punta d’auba.

Entà’n saber mès : https://www.vallboi.cat/ca/falles
Instagram : https://www.instagram.com/valldeboi/ #Fallesdurro
Twitter : https://twitter.com/ValldeBoi
Facebook : https://www.facebook.com/ValldeBoi
Tel. Comuna : +34 973 69 40 00

Entà’n saber mès :
Riart, O. i Jordà, S. (2016). Les falles del Pirineu. L’Alta Ribagorça i el Pallars Sobirà. Lérida : éditions Pagès.

Fotos e Videos

Comuna dera Vall de Boí. Halhas a Durro
https://www.youtube.com/watch?v=LGVYRi7SoKs&ab_channel=ValldeBo%C3%AD%28canaloficial%29

Halhas a Durro, 2015. Fotografia : Rafael-López-Monné (Comuna dera Vall de Boí)

Halhas a Durro, 2015. Fotografia : Rafael-López-Monné ( Comuna dera Vall de Boí)