El Pont de Suert

Maugrat eths antecedents istorics, era hèsta n’estèc cap mès celebrada a partir de 1946 : dab era arribada deras òbras idroelectricas e eth gran impacte socioeconomic, e era arribada d’un nombre importent d’immigrants, eras halhas que horen substituïdas per huecs en eths diferents barris (que hèvan a qui heria eth huec eth mès gran).

En 1987, que s’arrelancèc era celebracion deras halhas. Era preparacion dera celebracion que comença un parelh de meses abans, quan van hèr era lenha en bòsc, que’s shascla entà que seque e que’s talhan tanben eths paus d’averèr que serviràn entà montar eras halhas. Eth tipe de halha que’s hè aué ath Pont de Suert que consisteish a clavar quate asclas de lenha de pin ath cap gròs d’ua barra d’averèr e eth ensemble  renforçat dab un liader de hiu de hèr. Quinze dias abans era hèsta, que cau hèr era quilhada deth faro/lenhèr, que consisteish a hèr càger un pin e a quilhà’u ath punt eth mès plan plaçat deth tèrme deth Faro, en tot abilhà’u de gèstas espinosas e d’arramas, entà èster solide que haça un brave huec.

Era net de Sent Joan, eths halhaires que pujan ath faro/lenhèr dab era halha sus era espatla e dab esqueras entà hèr tapatge. Cap a dètz oras de nets, qu’ahlaman eth faro e eras halhas alugadas e que comença era baishada deras halhas. Eth percors qu’ei viradís e eths halhaires que van dessenhar eras viradas deth camin, que fòrman ua gran sèrp de huec coma eth nombre de participants qu’ei gran e que’s vetz de plan dempús eth vilatge. En arribar de cap ath vilatge, quan entenen eras campanas dera glèisa vielha a sonar, que’s gahan a córrer, que travèrsan era palanca d’Aragó, que pujan peth carrèr d’Avall, de cap ara plaça Major e eth Mercadal, e aquiu, que’s botan en arredon e que lançan eras halhas ath miei, en tot formar un huec gran ; après, que’s partatja de qué béver e era serada que comença, dinc ath maitin.

Era madeisha net, que’s hè tanben ua version d’aquesta tradicion pensada peths mès petitis, que consisteish en quilhar eth faro/lenhèr en un punt deth camin mès apressat deth vilatge e en hèr era baishada de halhas un shinhau abans era deths adultes.

Organizator : AsAssociacion deths halhaires deth Pont de Suert
Entà’n saber mès : https://visitaelpontdesuert.com/falles/
Corrèu : turisme@elpontdesuert.com
Instagram : https://www.instagram.com/turismeelpontdesuert/
Twitter : https://twitter.com/ajelpontdesuert
Tel. Comuna : +34 973 68 00 38

Entà’n saber mès :
Riart, O. i Jordà S. (2012). “Catalogació de les falles al Pirineu. Descripció dels processos i elements fallaires”, Revista d’Etnologia de Catalogne , nº38, 162-173.
Riart, O. i Jordà, S. (2016). Les falles del Pirineu. L’Alta Ribagorça i el Pallars Sobirà. Lérida : éditions Pagès.

Fotos e Videos

TV3
https://www.ccma.cat/tv3/alacarta/programa/les-falles-a-pont-de-suert/video/5675508/

Net deras halhas Pont de Suert
https://www.youtube.com/watch?v=kpP_j0_Rlwo

Halhas d’El Pont de Suert
https://www.youtube.com/watch?v=kW7oQB81_Rc

halhas a Pont de Suert. Fotografia : M. Pueyo (Comuna de Pont de Suert)
https://visitaelpontdesuert.com/esdeveniments/baixada-de-falles/