Senet

Eras halhas de Senet que s’an mantengut sense interrupcion coneguda, sonque passar de Sent Joan cap ara fin de setmana abans.  Era elaboracion deras halhas que’s hè quauquas setmanas abans, coma en totis eths vilatges. Pr’aquò, era sua tipologia qu’ei especifica : que’s hè a partir de quate asclas de teda clavadas ath cap d’un mange d’averèr e renforçadas dab hiu de hèr. Eth faro qu’ei plaçat a quinze minutas a pè deth vilatge (1390 m.), pera pista que va tà Gelada. Eth huec mès especific qu’ei era biga, ua avet de 10 mestres, esbrancada e pelada, e araquau s’i bota ua corona hèta dab brancas verdas deth madeish pin, aperadas carrampoll.

Era biga que’s quilha uas setmanas abans, en ua esplanada a pena en dehòra deth vilatge (abans, qu’èra ua plaça deth vilatge). Après sopar, dempús eth vilatge, en familha o en còlhas d’amics, eths halhaires que pujan en grop cap ath faro, on preparan eths huecs, entà poder alugar eras halhas. Que començan, coma en eths autis vilatges, dab eras halhas dera mainada. Après, eths halhaires – que pòrtan totis ua halha e un camiset entà poder participà’i – que començan a ahlamar e eths participants que baishan cap ath vilatge pera pista deth bòsc.

En arribar a Senet, que hèn un torn, acompanhats deths arrepics dera campanas, dinc enrodar eth tronc dera biga, que hèn coma ua arronda de huec e que lançan eras halhas cap ath pè dera biga. Era biga no’s dèisha cap cremar tota e que demòra plantada tot eth an dinc a que sia remplaçada pera nava. Era hèsta que s’acaba en tot partatjar còca e vin entre totas eras personas qu’an participat e que hèn un bal.

Organizator : Comitat deras hèstas
Entà’n saber mès : http://www.turismealtaribagorca.cat/ca/agenda/baixada-de-falles-senet
www.ajuntamentdevilaller.cat
Corrèu : pturisme@ccar.ddl.net
Instagram : https://www.instagram.com/explore/locations/550227293/Mairie%20%20-de-vilaller/
Tel. Comuna : +34 973 69 81 59

Entà’n saber mès
Riart, O. i Jordà S. (2012). “Catalogació de les falles al Pirineu. Descripció dels processos i elements fallaires”, Revista d’Etnologia de Catalogne, nº38, 162-173.
Riart, O. i Jordà, S. (2016). Les falles del Pirineu. L’Alta Ribagorça i el Pallars Sobirà. Lérida : éditions Pagès.
Ricart, S. i Farré, X. (2012). Foc al faro, la festa de les falles al Pirineu. Taül l : AlpinArt.

Fotos i Videos

Halhas de Vilaller e de Senet
https://www.youtube.com/watch?v=3ZisoWlozWE&ab_channel=Vilaller%28ValldeBarrav%C3%A9s%29

Baishada de halhas 2020
https://www.facebook.com/watch/?v=187995435987271