Taüll

Era de Taüll qu’ei ua deras halhas que’s hèn sense interrupcion coneguda. Tradicionalament, era halha utilizada qu’èra era ribagorçana mès qu’ei eth rantiner, que s’imposèc dab un tronc de pin nere fòrça resinós, que s’ascla en fòrma de crotz deth costat mès large e on clavan quauquas tedas que mantenguen era partida combustibla daurida.  A Taüll, era montanha de Torresplanes (1767 m.), a dus quilomestres dera vièla e dab magnificas vistas sus era vath, qu’ei eth lòc causit entà quilhar eth gran pin que, un còp ahlamat, servirà de faro. Que plantan tanben dus faros mès pròishi deth vilatge, entà qu’eths que non pòden pujar dinc a Torresplanes e poscan participar ara hèsta tanben.

Eths halhaires que pujan ath faro a mieja vrespada, en portà’s eths ratiners e eras halhas a còth.  Quan hè escur, que lançan quauquas fusadas entà avertir que va començar era devarada deras halhas. Coma en eths autis vilatges, eths prumèrs qu’alugan halhas que son era mainada, a  22 oras 30, dab era ajuda deths parents, qu’anaràn cap ath vilatge dinc ara glèisa Santa Maria, on seràn arrecebuts peths aplaudiments deth public e un grop de musica tradicionala, e dinc ara plaça deth Riu on lançaràn eras halhas. Après, que baisharan eths joenis en tot seguir eth madeish camin, de cap a onze oras de nets, eths adultes qu’ahlaman eras suas halhas en tres o quate faretes.

Eras halhas que’s pòrtan cap ath vilatge, en formar ua longa fila de huec visibla dempús eth vilatge e ath cap de quaranta minutas, eths halhaires qu’entran en vilatge, acompanhats pera musica, en lançar eras halhas ena Plaça del Cap del Riu. Era hèsta que contunha dab danças dinc ara maitiada. Era baishada deras halhas qu’èra reservada aths òmes dinc a 2008. Maugrat un referendum locau que votèc contra era preséncia deras hemnas, un grop de siés hemnas qu’an cambiat era istòria aqueste an, en baishar, eras tanben, eras halhas.

Entà’n saber mès : https://www.vallboi.cat/ca/falles
Corrèu : Mairie @vallboi.ddl.net
Instagram : https://www.instagram.com/valldeboi/
Twitter : https://twitter.com/ValldeBoi
Facebook : https://www.facebook.com/ValldeBoi
Tel. Comuna : +34 973 69 40 18

Entà’n saber mès
Riart, O. i Jordà S. (2012). “Catalogació de les falles al Pirineu. Descripció dels processos i elements fallaires”, Revista d’Etnologia de Catalogne, nº38, 162-173.
Riart, O. i Jordà, S. (2016). Les falles del Pirineu. L’Alta Ribagorça i el Pallars Sobirà. Lérida : éditions Pagès.
Ricart, S. i Farré, X. (2012). Foc al faro, la festa de les falles al Pirineu. Taüll : AlpinArt.

Fotos et Videos

halhas de Taüll, 2016
https://www.youtube.com/watch?v=K_Mlmo63v70

Documentari
https://www.youtube.com/watch?v=GopGrlDalNE