Eras halhas que son hètas de pin, dab un pau que sosten divèrsas pòstes e arraïces estacadas dab hiu de hèr, en tot preparar-las entà que poscan cremar pendent bèra estona. Ara, era hèsta que’s hè entà Sent Pèir, quan era hèsta hèsta locala ; bèth temps a, que’s hèvan entà Sent Joan.
Coma en d’autis vilatges, eth exòde qu’avec coma consequéncia era pèrta dera sua celebracion, que s’arreviscolèc ath debut deras annadas 2010. Quauquis dias abans era cremada, uns quantis abitants que pujan ath faro, entà preparar eth huec, ath Serrat Qüeso (1.600 m.), hèt a partir d’un arbe eth mès haut possible entà que’s posca véder dempús eth madeish vilatge o dempús d’autis vilatges vesins. Coma eths autis vilatges aragoneses que celèbran eras halhas, era net que comença en tot anar ath faro/lenhèr, on e’s hè un sopar popular a basa d’anhèth.
Quan hè escur, qu’alugan eras halhas e que començan de devarar cap ath vilatge, on son arrecebuts peth monde que son demorats, dab aplaudiments e que començan a córrer peras carrèras. Sus era plaça deth vilatge, que’s hè un huec gran, dab totas eras halhas. Era hèsta que contunha dab musica, bals, charradas e bevudas. En bal deth tapero, que’s passa eth cambi deths majordoms, eths arresponsables que s’ocuparàn dera hèsta eth an que ven. Era net magica qu’ei plia de tradicions e de costumas : abans, eras cendres qu’èran utilizadas coma fertilizants, entà purificar eths larèrs.
Entà’n saber mès : https://visitamontanuybonansa.es/portfolio-item/fallas/
Corrèu : ayuntamiento@montanuy.es
Tel. Ofici de Torisme : +34 974 554 009
Entà’n saber mès :
Serrano, R.; Farré, X. (2017) Las fallas del Pirineo aragonés. Saragosse : Prames.
Fotos e videos
Aragón TV
https://alacarta.aragontelevision.es/programas/raices-vivas/cap-1-11092016-1452
Halhas de Castanesa
https://www.youtube.com/watch?v=oFFD3BC_Fbg&t=7s&ab_channel=VisitaMontanuyyBonansa
Halhas de Castanesa 2016
https://www.youtube.com/watch?v=Hruwjto-9fs
Halhas de Castanesa