Aneto

Era preparacion deras halhas que comença fòrça dias abans, dab era sua realizacion dab tedas estacadas a un mange d’averèr. Eras halhas que son hètas per ua còlha dab totas eras personas que i vòn participar. Eras halhas d’alhamar que’s  hèn dab brancas de herèishe e d’averèr. Eth dissabte, après divèrsas activitats e un sopar popular dab ua gran grasilhada, ath torn de 22 h 30, eths halhaires que pujan cap ath faro (lenhèr), que’s tròba a 1.490 m. Aciu haut, que s’alugaràn eras halhas e après, que baisharàn cap ath Serradet.

Coma en totas eras halhas que son baishadas deras montanhas, era devarada qu’ei un fantastic espectacle visuau e tanben un moment d’emocion, que pren era sua dimension era mès hòrta quan arriban en vilatge, on era gent demòran entà aplaudir eths halhaires. Totis que lançan eras halhas en huec ath madeish moment, en tot hèr un gran cèrcle ath entorn d’un gran pin pelat e quilhat (eth mai o mayo), ath costat deth ermitatge de Sent Clamenç. Eth madeish arbe, que serveish mès d’un còp, que demòra quilhat tot eth an. Un espectacle de huecs d’artificis e un gran bal que clavan eras hèstas.

Entà’n saber mès : https://visitamontanuybonansa.es/portfolio-item/fallas/
Corrèu : ayuntamiento@montanuy.es
Tel. Ofici de Torisme : +34 974 554 009

Entà’n saber mès :
Serrano, R. et Farré, X. (2017). Las fallas del Pirineo aragonés. Saragosse : Prames.

Fotos e videos

Arreportatge
https://www.youtube.com/watch?v=uknsl01ualk

Halhas d’Aneto. Comuna de Montanui

Aficha deras halhas d’Aneto