Bonansa

Coma en d’autis vilatges d’Aragon, era celebracion deras halhas que’s perdec enas annadas setanta e que l’arrelançèren en 2007. Era gent de Bonansa que’s preparan eras halhas plan ath devant : cada-un que’s prepara era sua, per tant qu’era comuna e’n prepare tanben uas quantas entaths que’s vòn ahíger ara hèsta. Eras halhas que son, coma eras deths autis vilatges d’Aragon, uas granas tòrshas de lenha, hètas dab pin arroge dab un mange de pin arroge joen e de mens de 2 m. Eth huec o faro qu’ei preparat dias ath devant. Era net de Sent Joan, que pujan eras halhas ath tuc de Sant Aventí (1.334 m), on i a un ermitatge deth sègle XIau, e on eths halhaires sopan en tot demorar era arribada dera net. Ad aqueth moment, que s’alhama eth faro, e après eras hahas, seishanta o setanta. Era devarada qu’ei corta (700 m) mès que genèra tostemps era vision classica serpentina d’aqueth tipe de halhas, dinc ara arribada ath vilatge on son recebuts pera gent que son demoradas, dab aplaudiments e que començan a córrer peras carrèras. Sus era plaça deth vilatge, que’s hè un aute huec gran, qu’ei ahlamat dab eras halhas. Era hèsta que contunha dab musica, bals, charradas e bevudas. Que i a monde que sautan per dessús eth huec.

Entà’n saber mès : https://www.bonansa.es/index.php/mod.pags/mem.detalle/idpag.1620/idmenu.2654/chk.889ed1ed9f5cf36ce5db15691575aa34.html
Corrèu : ayuntamiento@bonansa.es
Tel. Comuna : +34 974 554 009

Entà’n saber mès :
Serrano, R. et Farré, X. (2017). Las fallas del Pirineo aragonés. Saragosse : Prames.

Fotos e videos

Halhas de Bonansa, era luta contra era escur
https://www.youtube.com/watch?v=TceCR9pb2xA

Halhas de Bonansa. Fotografia : J. Clariana (Comuna de Bonansa

Halhas de Bonansa. Fotografia : Mairie de Bonansa