Escaldes-Engordany

Cemada de falles de Sant Joan (Cremada deras halhas dera Sent Joan) 23/06. 23h

Escaldes-Engordany

Escaldes-Engordany 150 150 Prometheus.Museum

Ua caracteristica deras halhas d’Andòrra qu’ei de socadir eras bòlas de huec, que’s hèn tornejar de faiçon vertiginosa, en tot balhar un efècte visuau de cèrcles de huec. Aquò qu’èra sustot un jòc entaths maintages, que hèvan enter eris a qui l’i durava mès era halha. Après, dab era arrelançada deras halhas, que s’a generalizat a totis eths halhaires adultes, mentre qu’eths gafets participan en tot hèr tornejar bòlas de lum que càmbian de color e que’s son ligadas a un cordilh. Eras halhas andorranas que consisteishen en un tronc haut e prim de boish, en quau s’i enfilan plecs de pèlas de bedoth.  Que’s manten era halha tradicionala de pèlas de bedoth en eths moments plan concrets ena celebracion, mès tanplan, era creishença deras comunautats halhairas qu’a demandat de trobar materiaus mès duradisses : pr’amor d’aquò, ara, totis eths collectius halhaires que comandan aqueth materiau ath Museu Molí Paperer de Capellades, comuna catalana.

Ua auta caracteristica deras halhas de Les Escaldes-Engordany qu’ei qu’eths halhaires pòrtan ua capa nera. Eth 23 de junh, era Flama del Canigó qu’arriba ara Casa dera Vath d’Andòrra e aquiu, era joenessa e eras còlhas que la pòrtan entà Escaldes-Engordany entara net d’alhamar eras halhas e eth lenhèr. A partir d’onze oras dera net, que comença era cremada oficiala deras halhas, que se n’ocupan eths halhaires dera parròquia (Sortida : Plaça Santa Anna, Av. Carlemany, Passatge de l’Arnaldeta de Caboet, Av. deras Nacions Unides). Un còp arribadis devant eth lenhèr, eths halhaires que dançan ath pè deth lenhèr, abans d’alugà’u. Après, que s’aufreish còca dab chocolat ath monde.

Era hèsta qu’ei organizada pera Associacion de Halhaires d’Escaldes, que hè partida dera Taula nacionala de halhas deras Vaths d’Andòrra, creada en  2017, entà federar eths diferents collectius e establir estrategias amassas entà sauvaguardar e manténguer viu aqueth patrimòni immateriau.

Organizator : Halhaires d’Escaldes
Entà’n saber mès : https://fallesandorra.com
Facebook : https://m.facebook.com/fallesandorra/
Instagram : https://www.instagram.com/fallesandorra/
Twitter : https://twitter.com/fallesandorra
Ofici de Torisme Escaldes-Engordany : +376 890 991

Entà’n saber mès :
Roig, A. (2018). Roda el foc. 30 anys de falles a Andorra la Vella. Andorre-Lérida : éditions Pagès.
Miró, C. (2008). “Les falles d’Andorra, un referent folklòric perdut i recuperat”, Ex-Libris 12, Bibliothèque Nationale.
Farré, X. (2012). “La Flama del Canigó i les Cremades de Falles d’Andorra. Les falles pirinenques que són diferents de totes les altres”, Revista d’Etnologia de Catalunya, nº38, 218-220.

Fotos e Videos

Arròda eth huec. Conferéncia d’Albert Roig.
https://www.youtube.com/watch?v=2jq0xkhbLuE&t=2s

Escaldes-Engordany
halhas a Escaldes-Engordany. Fotografia : Fallaires d’Escaldes-Engordany

Escaldes-Engordany
halhas a Escaldes-Engordany. Fotografia : Fallaires d’Escaldes-Engordany

Pas de copie de contenu . . .