Quin viven era hèsta eths mainatges ?

Ena Val d’Aran, eths dròlles que participan tanben ara hèsta. En vilatge de Les, que dançan ath torn d’un bèth tronc, aperat haro, qu’ei cremat ath miei dera plaça deth vilatge. A Arties, qu’apèran aqueth tronc taro e, en mès de cremà’u, que’u lançan per tèrra, que l’arrosègan e que i sautan per dessús. Eth mès joenis deths dròlles que n’an ua version mès petita que lançan tanben e qu’arrosèguan peths carrèrs deth vilatge.

Soent, eths mainategs que viven era hèsta dab ua falla mès petita e un percors mès avient, mès tostemps dab eth huec coma element major. Que devaran dera montanha en tot formar camins lumenosis dinc ath vilatge. Quan son mès granis, que segueishen eth camin deths adultes.

Qu’ei interessent de saber que, en eths moments mès dificiles, coma era Guèrra civila o eth franquisme, eths mainatges qu’èran eths solis protagonistas dera net deras fallas.

Descobritz era experiéncia de Maria e de Mariona, duas petitas fallaires de Boí :

En uns quantis vilatges, eths mainatges que son eths actors majors dera hèsta. Que creman eras halhas e que las hèn tornejar ath torn deth har, un arbe plan haut qu’ei tanben cremat e qu’ei quilhat sus era plaça deth vilatge o en periferia. Eras halhas deths dròlles e eth har ja pòden èster decoradis dab palha e boquets de flors.