Isil

Eras halhas d’Isil que son ua deras hèstas deth huec deths Pirenèus eras mès conegudas. D’origina desconeguda, qu’apareishen, citadas en 1902, en un article de La Veu de Catalunya  e que coneguen ua brava reconeishença enas annadas ueitanta e navanta, declaradas en 1991 Hèsta Tradicionala d’Interès Nacionau. Que son hèstas cargadas de simbèus, d’identitats e d’emocions.

Era preparacion que comença ath debut deth mes de mai ; quan eths halhaires pujan en bòsc entà causir eths pins que va caler copar, que hèn halhas d’un mestre e miei, que shasclan eths troncs e empliar-les dab cunhs de teda. Eth madeish dia, que’s copa era Falla Major. Era net de Sent Joan e  pendent era Festa Major de Sent Joan, que s’organiza era baishada de halhas.

Era vrespada, eths halhaires que prenguen eth camin dinc ajan quilhat eras halhas e que las pòrtan a còth dinc ath Faro (lenhèr). Era pujada que’s hè cap a siés oras dera vrespada, en 4×4 cargats de halhaires, cap aras bòrdas de Lapre. A partir d’aquiu, que pujan a pè dinc ath Faro, çò que demanda un brave esfòrç pr’amor eras halhas que pòden pesar entram 25 e 40 kg. Arribadis ath Faro (1.530 m.), que preparan eth lenhèr e que s’i hèn bèras danças coma era bolangera, eth ball pla o eth ball de bastons. En tot sopar, que demòran ath torn deth lenhèr que servirà mès tard de huec entà alhamar eras halhas.

Quan hè pro escur, a Isil, qu’alugan era Falla Major, eth senhau entà qu’eths halhaires comencen era devarada. Que cargan eras halhas e que començan a baishar per on non i a cap de camin, en ziga-zaga, era fila de halhaires que hè ua sèrp de huec. Eths halhaires que son recebuts a Isil dab un veire de vin, un tròç de còca e un boquet de flors. Eths halhaires que contunhan pera carretèra, dinc ara glèisa Sent Joan, on hèn, cada-un dab era sua halha, ua crotz ena pòrta deth cementèri, e que se’n tornan de cap ath vilatge en un percors dinc ara Falla Major, on lançan totas eras halhas entà crear un brave huec, ath torn dethquau dançaràn eras danças tradicionalas. E per tant qu’eras halhas s’ajan tostemps celebrat a Isil sense interrupcion (maugrat quauquas annadas de crisi que miaçèren era hèsta), qu’arrestèren eras danças enas annadas cinquanta.

En 1978, qu’arrelancèren eras musicas e eras danças que tornèren a partir de 1993. D’aqueste pè nà ençà, cada 23 de junh, en arredon ath torn dera Falla Major, que s’i canta e que s’i executa eras danças deras halhas d’Isil, coma ua partida fonamentala deras hèstas.

Organizacion : Associació Cultural Fallaire d’Isil.
Entà’n saber mès : http://www.fallesisil.cat
E-mail: fallesdisil@gE-mail.com
Instagram: https://www.instagram.com/fallesdisil/
Facebook: https://www.facebook.com/fallesisil/
Tel. Comuna deth Alt Àneu (València d’Àneu) : +34 973 926006

Entà’n saber mès :
Riart, O. i Jordà, S. (2016). Les falles del Pirineu. L’Alta Ribagorça i el Pallars Sobirà. Lérida : éditions Pagès.
Rella, F. (1985). “El solstici d’estiu: les Falles de Sant Joan”, Lo Raier, juin 1985.
Abella, Jordi (2001). “Falles”, El mundo de los Pirineos, nº 24, p. 66 et 92-92.
Català Roca, P. i Isus, E. (1957). Isil i les falles. Barcelone : Rafael Dalmau.
Fericgla, J. M. (1997). “Un rito de fuego, muerte y fecundidad en el Pirineo actual: las Fallas de Isil”, El fuego. Mitos, ritos y realidades. Madrid : Anthropos, pp. 273-300.
Farras, F., Fàbregas, X., Isus, E. i Coll, J. (1987). Aquesta nit encenem falles. Tremp : Centre d’Études du Pallars.

Fotos e Videos

Musicas deras hèstas
http://www.fallesisil.cat/danses/

halhas d’Isil 2020. Andreu Balius.
https://www.youtube.com/watch?v=iwFgSk1-vqw

halhas d’Isil 1965
https://www.youtube.com/watch?v=BSO6f9jeLws

halhas d’Isil 2012
https://www.youtube.com/watch?v=Wws5-m7_xLY

halhas d’Isil 1993
https://www.youtube.com/watch?v=gUbDfWQq_L4

Preparacion deras halhas, 2021. Isil. Fotografia : Felipe Valadares

Pujada deras halhas, 2021. Isil. Fotografia : Felipe Valadares

Cremada deth faro, 2021. Isil. Fotografia : Felipe Valadares

Arribada deras halhas en vilatge, 2021. Isil. Fotografia : Felipe Valadares