Llesp

Après seishanta ans sense celabracion, eras halhas que tornèren a Llesp en 2009 e aué, que son eras darrèras deth calendari dera Alta Ribagorça. Eras halhas que’s hèn a partir d’un tronc de pin arroge, pelat e shasclat en crotz a un deth caps, coma eras d’Isil. Era elaboracion deras halhas que comença dus meses abans era baishada.

Coma en d’autis vilatges d’aqueth tipe de halha, eths halhaires que pujan ath faro, d’a on comença era devarada cap ath vilatge. Eth faro que’s tròba ath Tartero (1110 m.) mès meslèu que de hèr ua gran huec, que se n’i hè uns quantis petitis pr’amor dera securitat d’incendis e dera proximitat deth bòsc. Un aute element diferent qu’ei que’s quilha en vilatge un gran tronc de pin arroge de 6 m, decorat dab èrbas secas coma eths hars/halhars occitans. Eths mès petitis que son eths prumèrs a alugar eras halhas e qu’ahlaman eth faro dera plaça entà avisar aras faretes deth Tartero que pòden alhamar eths huecs e baishar.

Arribats en vilatge, que’u travèrsan per diferents carrèrs e qu’acaban ena plaça, entà lançar totis amassas eras halhas ath pè deth arbe. Era hèsta que s’acaba dab còca e muscat enter totis eths participants.

Entà’n saber mès : http://www.turismealtaribagorca.cat http://www.elpontdesuert.cat
Corrèu : Mairie@elpontdesuert.cat
Tel. Comuna : +34 973 690 005

Entà’n saber mès :
Riart, O. i Jordà S. (2012). “Catalogació de les falles al Pirineu. Descripció dels processos i elements fallaires”, Revista d’Etnologia de Catalunya, nº38, 162-173.

Fotos e Videos

Eras halhas de Llesp 2017
https://www.youtube.com/watch?v=f40bKgzrBu8&t=120s&ab_channel=GaudeixlaFesta

halhas de Llesp 2019
https://www.youtube.com/watch?v=uJfYhZ8p9VU

halhas de Llesp