San Chuan de Plan

Eras gents d’aqueth vilatge (148 abitants) que pujan era vrespada cap a un lòc pròishi deth vilatge, conegut coma era Planeta de la Falla; aras bòrdas de San Mamés (1 300 m.). Tot eth vilatge que i participa mès que n’i a que baisharàn sense huec. Coma ei avient d’arribà’i en auto, que hèn un brave lenhèr, ath torn dethquau s’amassan eths chistabins, entà ua jornada de hèsta, que’s serveishen deras suas brasas entà minjar e que beven dinc a boca de net. Ad aqueth moment, cada persona qu’arrecep ua halha confeccionada a basa de tedes (tietes, en dialecte de Chistau) e que començan de devarar eths uns ath darrèr deths autis, cap ath lòc de San Juan. Que baishan doçament, sense guardar ua fila estricta, peth vielh camin de hèr que travèrsa era pista un parelh de còps. Un còp arribats ath arriu Cinqueta, eths participants que s’amassan e que s’organiza ua corsa competitiva, segon eth atge e eth sèxe, d’aquiu dinc ath cementèri deth vilatge : que ganha eth prumèr qu’arriba dab era halha alhamada. Dab eras tedas qu’arriban a San Juan, entà alimentar eth huec dera Falleta. Que balhan divèrsis prèmis, istoricament que’s balhava espartenhas. Que’s ditz qu’eth baile que s’arrepassava era lista e que’n calia au mens un de cada maison. Senon, que les calia pagar ua quantitat en dinèrs que servia entà pagar eth vin deth arressopet.

San Chuan de Plan (en aragonés)
San Juan de Plan (en castilhan)

Entà’n saber mès : https://www.turismosobrarbe.com/patrimonio.php?niv=3&cla=_3BV0W3W3E&cla2=_3BV0W4SSP&cla3=&tip=2&idi=1
https://www.sanjuandeplan.es
http://fallasdelpirineo.com
Corrèu : sanjuandeplan@sanjuandeplan.es
Tel. Comuna : +34 974 50 62 94

Entà’n saber mès :
Serrano, R.; Farré, X. (2017) Las fallas del Pirineo aragonés. Saragosse : Prames.

Fotos e Videos

La Falleta y el Diya d’a Cultura Chistabina (en aragonés)
https://www.youtube.com/watch?v=6SjdXpv7-po&t=62s&ab_channel=charrandotb

halhas a San Chuan de Plan. Fotografia : Comuna de San Juan de Plan

halhas a San Chuan de Plan. Fotografia : Comuna de San Juan de Plan