Sant Julià de Lòria

Arrelançadas dempús 1996, eras halhas de Sant Julià qu’an eras caracteristicas deras autas halhas andorranas mès dab quauquas especificitats. Eras celebracions que començan dab era cuelhuda dera Flama del Canigó ara Casa de la Vall, a 19 oras, e era baishada de relhèus dinc ara plaça dera Germandat. Eth moment centrau qu’ei eth torn dera vila dab era Flama del Canigó e eths halhaires adolescents e adultes. Era prumèra partida que comença a  22 oras 30, en Barri Rocacorba, e que s’acaba peth bal deths halhaires adultes, ena plaça dera Germandat. Era segona partida que part dera plaça dera Germandat e que s’acaba en parc deth Prat Gran, dab era lectura deth manifèst e era ahlamada deth huec, a miejanet.

Eths fallaires lauredians que’s diferencian : que hèn arrodar halhas doblas e que son vestidis d’arroge. Coma a Andorra la Vella e a Escaldes-Engordany, entà iniciar eths mès petits, que i a halhas de lum, que son uas bòlas que hèn torbenar e que càmbian de color. Atau, era mainada que començan a practicar era hèsta e a profità’n coma maintages. Mès que i a quauquas activitats e quauques elements que son partatjats dab eras autas ciutats andorranas halhairas, coma eths talhèrs de halhas tradicionalas, hètas de pèlas de bedoth, e era eleccion deth halhaire major, ath nivèu nacionau

Organizator : Associatció de Fallaires Lauredians
Plus d’informations : https://fallesandorra.com
Instagram : https://www.instagram.com/fallaireslauredians/
Tel. Comuna : +376 871 700

Entà’n saber mès
Roig, A. (2018). Roda el foc. 30 anys de falles a Andorra la Vella. Andorre-Lérida : éditions Pagès.
Miró, C. (2008). “Les falles d’Andorra, un referent folklòric perdut i recuperat”, Ex-Libris 12, Bibliothèque Nationale.

Fotos et Videos

halhas de Sant Julià de Lòria. Fotografia : Associació de fallaires de Sant Julià de Lòria/Lauredians

halhas de Sant Julià de Lòria. Fotografia : Associació de fallaires de Sant Julià de Lòria/Lauredians

halhas de Sant Julià de Lòria. Fotografia : Associació de fallaires de Sant Julià de Lòria/Lauredians