Arties

Era Hèsta deth Taro (deth Haro) que coïncideish dab era hèsta patronala deth vilatge d’Arties. Aquera celebracion que marcava tanben eth moment quan eths propietaris començavan a pujar eth bestiar cap aths peishius eths mès hauts deras montanhas. Un mes abans era hèsta, que van cercar un haro (prononciat taro [et’aru] en aranés ), un tronc d’avet (que pòt hèr dinc a 8 m) qu’ei cargat e carrejat dinc ath vilatge, entà preparà’u abans era cremada. Era faiçon d’alugar que sembla ara deth har o deth halhar d’Occitania, mès dab era particularitat que, un còp alhamat, que le s’arrosègan peths carrèrs e peras plaças d’Arties, acompanhat de musica e deths crits deths assistents e dab gent que sauta per dessús eras es·hlamas.

Aqueth passa-carrèra que s’estira pera net enlà, cap ara maitiada, e que s’acaba devant çò deth bail, on ei deishat carbonizat a fèt. Que’s hè tanben un haro entaths maintatges. D’après era tradicion, eras cendres deth haro que protetjan, que purifican e que fertilizan, atau en tot eishamplar-las per tot eth vilatge qu’alonhan eths maishantis esperits. Era hèsta que s’acompanha de concèrts de musica, de danças aranesas e d’un gran bal popular.

Organizacion : mairie de Naut Aran, Arties et Garós. Amics deth Taro d’Arties.
Entà’n saber mès : https://visitarties.es/
Corrèu : info@nautaran.org
Facebook : https://www.facebook.com/AMICSTAROARTIES/
Instagram : https://www.instagram.com/amicstaroarties/
Tel. comuna Naut Aran : +34 973 64 40 30 / 973 64 42 11

Entà’n saber mès :
Menetrier, B. (2017). “Les Fêtes du Solstice d’Été en Aran et Cominges”, Revue de Comminges et des Pyrénées Centrales, nº133, 357-369.
Montoya, Jép de (2017). “Rites e mites ancestraus”, Tèrra Aranesa, nº14, 107-114.

Fotos e videos

Hèstas deth Haro Arties
https://www.youtube.com/watch?v=EYHRDSzYJoE

Amics deth Haro d’Arties
https://www.youtube.com/watch?v=0CqgF2OB7YY&ab_channel=VisitArties

Hèstas de Les e d’Arties
https://www.youtube.com/watch?v=T69hf9tS_as

Aficha deth Haro d’Arties.

Eth Haro d’Arties. Fotografia : Vistivaldaran.com