Banhères de Luishon

Eth halhar qu’ei ua hèsta tradicionala que’s passa ath torn deth 24 de junh. A Banhères, eth Ofici Nacionau deths Bòsquis que causeish ua avet de 10 a 12 mestres de haut. Après, eths emplegadis deths servicis tecnics dera vila que s’ac preparan : pelar, shasclar, ceuclar e palhar eth dia dera hèsta. Ad aqueth moment, ua escenografia arritualizada que  puja peras alèas dab divèrsas associacions culturalas banheresas : tot prumèr, era compànhia deths Guidas a chivau, acompanhadis pera Fanfara municipala, eth Grope folcloric deths Hilhs de Luishon e eth Quadrilh Luishonés, que hèn bèras danças folcloricas en vestit tradicionau devant eths Banhs. Pendent era serada, eth curè que benadeish eth halhar, e dab eth baile, que l’alugan totis dus. Que i ven un pialèr de toristas. Un aute halhar, aperat eth halhar de Sent Pèir, qu’ei hèt entath 29 de junh pera Amicale deths Pompièrs de Banhères de Luishon, dab un arrepèish en barri deth Cortat.

Nom occitan : Banhères de Luishon
Nom francés : Bagnères-de-Luchon

Entà’n saber mès : https://cc-pyreneeshautgaronnaises.fr/decouvrir/agenda/158-brandon-de-la-saint-jean
https://www.pci-lab.fr/rechercher#Les-brandons-de-la-Saint-Jean-et-de-la-Saint-Pierre-%C3%A0-Bagn%C3%A8res-de-Luchon
Corrèu : mairie.anla@orange.fr
Tel. comuna : +33561946868

Liader cap a ua video deth halhar de Banhères de Luishon en 2019 : https://m.facebook.com/watch/?v=213556899892506&_rdr

Palhar eth halhar, 22 de junh de 2018 © Patricia Heiniger-Castéret. Indexation : COM-006-BAGNERES-(P)

Passa-carrèra dera Compànhia deths Guidas a chivau entath halhar de Banhères de Luishon, 23 de junh de 2018 © Anthony Gonzalez – OT Pyrénées 31. Indexation : COM-001-BAGNERES-(P)

Cremada deth halhar devant eths Banhs de Luishon, 23 de junh de 2018 © Anthony Gonzalez – OT Pyrénées 31. Indexation : COM-002-BAGNERES-(P)

Entram era estatua d’Etigny e eths banhs dera vila, eth halhar ath miei dera plaça harta de monde, 23 de junh de 2018 © Anthony Gonzalez – OT Pyrénées 31. Indexation : COM-003-BAGNERES-(P)

Detalh dera cremada deth halhar de Banhères de Luishon, 23 de junh de 2018 © Anthony Gonzalez – OT Pyrénées 31. Indexation : COM-004-BAGNERES-(P)

Halhar de Sent Pèir dab era associacion deths Pompièrs, 29 de junh de 2018 © Patricia Heiniger-Castéret. Indexation : COM-008-BAGNERES-(P)