Erill la Vall

A Erill la Vall, era hèsta que segueish eth esquema abituau deras hèstas dera Vall de Boí, que consistan ara devarada deras halhas dempús El Faro. Eras halhas  que segueishen tanben eth modèle dera halha ribagorçana : quate asclas de pin clavadas ath cap de ua gròssa barra d’averèr e renforçadas dab hiu de hèr. Que’s hè dab pin verd talhat uas setmanas abans, tant coma possible un pin lis sense guaire borroms. Eth faro actuau qu’ei a 1.450 m., entram eth barranc de Ribampiedro e era Serra de Palomero, un lòc dab un punt de vista magnific sus era vath.

A miei camin, que’s quilhan dus faros/lenhèrs mès petitis e apressadis entà qui non volha realizar eth mès long trajècte : eth faro deths mejans e eth faro deth mainatges, aqueste ja ei ara entrada dera vièla. Era net deras halhas, ath mes de julhet, entara hèsta locala, que’s puja dinc ath Faro entà alhamà’u e, dab eth son huec, qu’alugan eras halhas e que baishan dinc ath vilatge en formar un long camin de huec. Eth camin dera baishada e ua excellenta vista dempús eth vilatge qu’an hèt qu’eras halhas d’Erill que son vengudas uas deras mès conegudas.

En arribar en vilatge, eths portaires de halhas que començan a córrer peth carrèr deth Tarter dinc ara Plaça de Dalt e que hèn atau mès de un torn peth vilatge. Era hèsta que culmina dab era alhamada d’un brave huec e danças dinc ath maitin.

Entà’n saber mès : https://www.vallboi.cat/ca/falles
Instagram : https://www.instagram.com/valldeboi/ #falleserilllavall
Twitter : https://twitter.com/ValldeBoi
Facebook : https://www.facebook.com/ValldeBoi
Tel. Comuna : +34 973 69 40 00

Entà’n saber mès :
Riart, O. i Jordà S. (2012). “Catalogació de les falles al Pirineu. Descripció dels processos i elements fallaires”, Revista d’Etnologia de Catalogne, nº38, 162-173.
Riart, O. i Jordà, S. (2016). Les falles del Pirineu. L’Alta Ribagorça i el Pallars Sobirà. Lérida : éditions Pagès.
Ricart, S. i Farré, X. (2012). Foc al faro, la festa de les falles al Pirineu. Taüll : AlpinArt.

Fotos e Videos

Halhas d’Erill la Vall. Vath de Boí (canau officiau)
https://www.youtube.com/watch?v=a0_otv9nOkE

Halhas dera Vall de Boí
https://www.youtube.com/watch?v=GopGrlDalNE

Halhas abans de pujar-las ath cap deth Faro. Erill la Vall, 2008. Fotografia : Oriol Riart

Alhamada deras halhas. Erill la Vall, 2008. Fotografia : Oriol Riart

Portar ua halha. Erill la Vall, 2008. Fotografia: Oriol Riart